Charter Catharinagasthuis, 11 november 1385

Wi Hughe vander Hant ende Syman Symans soen, scepene in Leyden, oirkonden dat voir ons quam Willem Claes soen ende
gheliede dat hi vercoft heeft Kerstant Allairts soen een pont Hollans comans payments tsjairs, te versiene ende
staende op een huys ende op een erve dat gheleghen is opt Hoghelant op die Middel graft, ende beleghen heeft
andie ene zide Hughe Jacobs soen ende andie ander zide Machtelt Pieter Walichs soens wedue, beyde mid hoiren
huysen ende erven, ende dese voirseyde renten alle jair te betalen tot Alre Gods Heylighen daghe. In oir
conde desen brieve beseghelt mid onsen seghelen int jair ons Heren duysend driehondert vive ende tachtich,
op Sinte Maertijns dach inden wijnter.