Historische Vereniging Oud Leiden

Hoogheemraadschap Rijnland OAR 11, 12, 13 : 1253 - 1564
	View: Record details Year 1358

Go to OAR Records in Year...
1310	1330	1356	1358	1361	1363	1371	1372	1384	1385
1388	1391	1392	1394	1399

Record #504

Date

1358-10-19

Location

Type of Document

OAR12, 084r-a

Vonnis

Text

[045] Jan van Bloys here van Scoenhoven ende vander Sande maken condt ende kenliken allen luyden want onse lieve here ende neve, hertoge Willem van Beyeren, grave van Henegouwen, van Hollant, van Zeelant ende here van Vrieslant, mit sinen openen brieven voir hem ende voir sinen nacomelingen gegeven heeft sinen goeden luyden van Alphen tusschen der Gouslus ende den Crommen sloot, sinen goeden van Hasertswoude tusschen den Crommen sloot ende der Groter sluse die gelegen is opten Bansloot dair Ketten kinder lant nu ter tijt up leyt, sinen goeden luyden van Waddinxveen die gelegen sijn tusschen Boscoep ende Waddinxveenre kae die gelegen is in Clais Dorrekijns wier enen ghemeenen ende eenen vrijen waterganck durende tot eweliken dagen te beginnen anden Rijndijck ende wt te gaen inder Ysell, welken waterganc wij hadden doen toe slaen ende dammen om dat hij outs onsen consent ende oirlof gestiert is ende gaet in enen deele doir onse lant ende heerscap vander Goude. Des ons die goeder luyden voirnoemt also vriendelike vervolgts hebben ende dair of alsoe mit ons gedaen die ons ghenoeghts, ende den voirseyden waterganc gewilkoert hebben ende wilkoren voir ons ende voir onse nacomelinge also verre alst ons anegaet tot ewiliken dagen in allen manieren dat die brieve spreken ende begrepen die onse lieve here ende neve die grave voirn. dair of gegeven heeft, ende al te verstaen sonder enigerhande argelist. In kennisse der wairheit, so hebben wij desen brief dair of gegeven ende besegelt mit onsen segelen, gedaen ende gegeven op onse borch Scoenhoven des vrijdachs na sinte Lucas dach int jair ons heren duysent driehondert acht ende vijftich, etc.

English Summary

After negotiations, Jan of Blois, lord of Schoonhoven and Gouda restores the right of Alphen, Boskoop, Hazwerswoude, and Waddinxveen to have and maintain a canal between the Oude Rijn and the IJssel. Apparently, he had ordered it closed at some time earlier.

Keywords

bloys, jan van; willem v, count; alphen; gouwesluis; crommensloot; hazerswoude; grotesluis; bansloot; kettenkinder; boskoop; waddinxveen; waddinxveensekade; schoonhoven, heer van; sande, heer van; claes dorrekijnsweer; canals; rijndijk; ijssel; dam; gouda; charters; handvesten

Notes

Published in van Mieris, III, p. 65.

Keyword Threads

Seq / Count

First

alphen

4 / 44

1284

1356

1361

bansloot

2 / 2