De Tooren
Naer dat den Tooren omtrent drie hondert jaren gestaen hadde, soo is dezelve eindlicken ter neder gestortet, ende omgevallen, in 't  Jaer onses Heeren 1512 -  tusschen den Donderdach ende Vrydach, in der nacht, recht voor dat de Klock een sloeg, in de eerste uyre van den eerste dach van Maert.

Het Cruys, Becken, ofte Pynappel metten Maekelaer, vielen Heer Symon, Ewoutsz. Priester, ende Pater van de Falyde Bagynenhuys ontstucken, ende daer was veel houts op syn bedde ghevallen; daer hy op lach ende sliep, ende was in groter vreesen van syn Lyf, soo dat door Gods sonderlinghe gratie, den selven Heer Symon niet gequetst en was, noch oock niemant anders maer den selven val nam over de Noorzyde van de voorschreven Kercke na haer twee pilaeren van het nieuwe werck, ende 't decksel van de Kercke de voorschreven twee pilaeren breet ende aen de andere zyde, over St. Catharyn ende Outaer 't glas van Calis met een vacke myrs, ende daer storte veel van den toorn over beyde Zyden achter in der Kercke, ende de groote Orgele, die midden in de Kercke hangt aen de toorn, bleef hangen.